لازم تعرف ان الموقع زي البيت بالظبط قبل البناء
ينفع تبني بيت من غير مساحة ؟؟
لا طبعاً.....الموقع كدة بردو لازم تكون معاك مساحة عشان تعمل موقع والمساحة بتعات الموقع اسمها (استضافة) عرفت كدة يعني ايه استضافة .
عمرك شوفت بيت من غير عنوان !!
لاطبعاً ..... الموقع نفس الموضوع لازم يكون لي عنوان
طيب وايه هو العنوان دا ؟
العنوان دا الا هو ( الدومين او النطاق )
هتسألني طبعاً انا هجيب الدومين دا منن ؟
لازم قبل ما تعرف هتجيب الدومين منن تعرف يعني ايه www ؟
ترجمتها : الشبكه النسيجيه العالميه
www دي وسيلة تواصل بين الانترنت عشان تجيب اي موضوع او موقع بسهولة جداً
طبعاً انت دلوقتي بتقولي ما تقول بقى يا عم يعني ايه دومين ؟
ماشي يا عم هقولك الدومين دا عبارة عن عنوان الموقع او اسم الموقع وما ينفعش انك تعمل دومين بالعربي دا حتى يبقى شكله وحش :D لازم تحجز الدومين بالغة الانجليزية
مثلاً الدومين بيبقى كدا www.zamema.comهو دا بقى الا اسمه دومين بيبقى يالشكل دا
طيب يعني ايه com ؟
com يعني الامتداد
والامتداد دا ممكن تختارو زي ما انت عايز يعني مثلاً ممكن تخلي اسم الدومين www.zamema.net
طيب هتقولي ايه انواع الامتدادت
انواع الامتدادات :
.com
.net
.info
.tv
.org
الخ.......
إرسال تعليق